Ambrogio Maria Antonini
Scapigliatura
*************
E mi sont Antonin Ambroeus Maria
nassuu col secol noeuv in Solferin,
Hoo respiraa quand s'eri piscinin
la spuzza del tombon sotta a cà mia.
E quand el sol tra i cà l'andava via,
Guardavi giò sul fòss dal baltreschin,
E sui barcon el fumm bianch di camin
el vedevi ballà come ona stria.
Gh'era anmò in l'aria la scapigliadura
Tra san March la Cernaia e la via Ancona,
Ma la soa storia l'era ormai già scura,
La sul pont Marcellin Tranquill Cremona
Cola Catalani ormai passaven pù...
Resta la gloria e i òmen tornen pù!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
