Ambrogio Maria Antonini
Inconter in la Guastalla
************************
In pienna nott come l'è bell Milan
Quand sul negher stralùster de la strada
Tutt l'è silenzi, e gh'è pù gnanca on can
Dopo el gran bolardee de la giornada!
Scolti, distratt, di frecassitt lontan
Che vegnen vers de mì, 'me vun che fiada
E el son di mè pedànn che menemán
Sciavàtten su l'asfalt de la contrada.
Come l'è bell! 'Sti lus tutti per mì,
Per mì, 'sti stell, la luna che la balla
Sora la calma de la via Guastalla...
Me fermi, senti on pass, guardi de lì...
E dondinànd quiett col sò baston
Ecco el re de la pas, ecco el «barbon»!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
