Cesare Mainardi
El cancel
***************
Cont i ferr drizz in pee
e la ponta spongenta
el cancell l'è lì gnucch
motrient.
Ghe doo dent, el scorlissi,
el tampini
me rampéghi, me danni
ma i sò ferr resten lì
drizz in pee, ingrugnaa
inciodaa.
Anca mì resti lì.
E spionni.
Vedi on vial con la gera menudra
ona proeusa fiorida
poeu on gran praa che se perd
in la nebbia leggera
de la terra che fiada
lontana.
Ecco on'ombra...
Nò, no me insogni.
La tocca el cancell
dal dedent. Par che forse
la voeura dervill.
Sì, che in tra i ferr te conossi!
Son mì propi mì
col faccin de pomin
che gh'avevi quand s'eri on bagaj.
Te ciami, te ciami per nomm
poeu col nomm piscinin
che te dava la mamma.
Te fee segn de fà citto
che nò, se pò nò
se pò nò...
E te slìset - ombra in la nebbia leggera
de la terra che fiada
lontana.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
