Cesare Mainardi
Pianta a Milan
****************
Grattaciei motrient
drizzaa su sui trabucch
de cement,
tanabus e bottegh
alla lus
sputtanda del neon
fann la guardia a ona pianta
che hann logaa
- lì per legria della gent.
Quand l'è april
la mett foeura i sò frasch.
Poeu d'estaa la se sbatt
per tegnissij bei franch
e fagh ombra a nissun.
E la viv - de per lee se sa minga comè.
O poetta, anca tì
intramezz alla gent
che sta su sui trabucch
de sambus,
doggionaa da guardian
dur e gnucch
te se sbattet tutt l'ann
per fagh lus a nissun.
E te vivet
- tì de per ti
se sa minga comè.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
