Luigi Medici
Bocce
**********
De tutt i gioeugh, quest chì l'è el pussee bell:
propi arent a ona sces, fresca de ombria,
ch'el se destend de pôs d'on'ostaria,
piena de odor de spéd e de vassèll.
Quest chi l'è el gioeugh che porta l'allegria,
la forza al brasc, el fosfor al cervell,
senza tant cazzottà né tant spuvell
de nomm, che spuzza de forestaria.
Gh'è no borgh, sui montagn o in mezz ai rann,
senza el sò bravo gioeugh sott a la sces,
come el sogn in del coeur di sò tosann,
o la gesetta arent al campanin;
e, quand ven giò la sira in sul paes,
bocc, amor e campann vann a basin...
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
