Luigi Medici
La cura de l'uga (peccaa de settember)
-*-*-*-*-*-*-*-*-*-*-*-*-*-*-*-*-*-*-*
Quatter pass pussée in là de la legnera
in dove gh'è el zappell in la scesetta,
gh'è dò vit, d'uga bionda e d'uga nera,
che se incrosen e fan ona toppietta.
Quella mora la gh'ha ona sgrazza stretta,
longa e rara e la ciamen la rossera;
quella bianca, mostosa e rotondetta,
la impieniss con dò sgrazz ona stadera.
Mì, appena dessedàa, con la scaletta
voo su a trovaj bell bell ogni mattina:
prima me godi i sgrazz de la moretta
e dopo quij mostos de la biondina...
Ma quand poeu me confessi a don Galdin,
lu el me dis: «ma...l'è l'uga o l'è...el ciappin?
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
