O cunto d''e ccose piccerelle
Autore: Achille Serrao
Chiù assaje 'e ll'at'anno s'arrapecchia 'e fronna
azzelisce s'abbocca comme vò
Ddio ('o Ddio 'e tutte 'e fronne) stu ddièce 'e patatèrno
nu poco 'nzallanuto 'a cunnulèa
speresce 'a fronna jétteca - e isso c''a cuffèa.
Aria pe' naca, è overo, chisto è 'o cunto
d''e ccose piccerelle piccerelle
pure si scasualmente chella fronna
fosse d''e fronne ll'urdema: che va
truvanno a Cristo 'nt'ê lupine mo'
cu ll'aria 'nfuscatella che 'ntorza
('a tene 'a forza) 'ncuoll'ê fraveche na nuvola
ddoje nuvole zurfegne quanta nuvule po' (nce prode 'o naso)
e appiccia 'o nniro 'e ll'uocchie
'ncielo?
Il racconto delle piccole cose
Più dell'altr'anno aggrinzisce la foglia / rabbrividisce s'inclina come vuole / dio (il dio di ogni foglia), questo dio smisurato / un poco scimunito la dondola / si strugge la foglia tisica - e lui che la deride./
Aria per culla, è vero, questo è il racconto / delle cose piccole piccole / anche se per caso quella foglia / fosse l'ultima delle foglie: che va / cercando Cristo fra i lupini ora / con l'aria un po' ubriaca che gonfia / (ce l'ha la forza) sopra le case una nuvola / due nuvole di zolfo quante nuvole può (le prude il naso) / e accende iridi / in cielo?
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
