Title: N'ANGIULO SENZA NOMME

Author:SERRAO ACHILLE
Subject:POETRY
Source:
Download book:
Words Statistic:words statics
 

Number of words for page:
N'angiulo senza nomme
Autore: Achille Serrao






'O vide 'e venì, ll'ora
è sempre 'a stessa appésa
â primma tatanèlla d''e pputéche, ê jastemme
'e nu trainante che 'nzorfa 'o ciuccio Arrià
p''a marina e struje ll'aria. Vene
pàtemo a st'ora 'e luce stracqua 'e sàgliere
na faccia 'ngialluta e 'a pecundrìa
d''e vive sott'a ll'uocchie quanno 'e vive
nun sanno pe' campà che s'hanno 'a spàrtere
e Siénteme, oh m'he 'a sèntere ventèa
'e pparole 'mmiez'ê diénte addò
n'importa, jammo... accussì pède
catapède p''a campagna (na vranca 'e terra, schiara
'ncopp'â felìnia 'e ll'arbere) tantillo
abbasca 'o pate scianchenèa
tantillo, 'o vide 'e venì
pare ca mo' mo' se smammulèa
'o ninno 'e latte. 'Nfratanto
murmulèa doce e me canta 'int'ê mmane
a cònnula 'a diasilla
lenta e appecundruta 'e tanno...
...aggio 'a mettere llòco 'a picciunara
...nun te ne ji n'ata vota...
suspira 'o pate me summèglia sulo
'mpont'â vocca sulamènte, po'
'a rusata d''o suonno torna a frémmere
vicino ê llamparèlle d''a campagna una ne stuta una
se mantène 'mpilo 'mpilo e vene
juorno lassa fa Ddio lucente.




Un angelo senza nome


Sta arrivando, l'ora / è sempre la stessa sospesa / al primo brusio delle botteghe, alle bestemmie / di un carrettiere che aizza l'asino Avanti / per la madonna e frusta l'aria. Giunge / mio padre a quest'ora di luce stanca di salire / con la faccia ingiallita e la malinconia / dei vivi sotto gli occhi quando i vivi / non sanno che spartirsi per sopravvivere / e Ascoltami, oh mi devi ascoltare soffia / le parole fra i denti dove / non importa, andiamo... così adagio / adagio attraverso la campagna (un pugno di terra, fa giorno / sopra la ragnatela degli ...
Page: 1
 

Help

  • Select one or more words an get availables translation in Logos Dictionary.
  • Set the number of words for each page an refresh the content.
  • Go to begin of the document
  • Go to previous page
  • Go to next page
  • Go to the end of document
  • Libri.it

    MIRACOSÌ È LA MORTE?LA REGINA DELLE NIAGARA FALLSIL LUPO IN MUTANDA 7 – SE LA SVIGNA
  • Libri.it
  • Treccani