Title: PADRE LINO

Author:UGOLOTTI UGO
Subject:POETRY
Source:
Download book:
Words Statistic:words statics
 

Number of words for page:
PADRE LINO


L'era trid cme San Violen
Mo pu sior che Marasen,
L'era brutt cme la paura
Mo 'd pu bel medra natura
La 'n 'na forsi mai stampé,
Perché lu, ste pover fré,
Tutti quanti il so richessi,
Tutti quanti il so gran blessi
Al li a tgneva, cme 'n tesor,
Ben gornedi dentr al cor.
Lu l'era cme la man dla Providensa:
L'eva fat a dla tonga na cardensa
E sempr averta per la povra genta;
Sta tonga lisa, pseda, bsonta e stenta
L'era semper "colonica" ambulanta,
Lá in dova la miseria l'era tanta,
In do 'ne 'seva pu cosa magner,
Per d'j andi scuri o su per di graner
Il disgrasi, i dolor, i guai d'la vitta
J faven sora lu da calamitta;
J 'l tireven, con tutt la so passion,
In do gh'era dil pieghi da curer
O dil lagarmi caldi da sugher.
Un dí che 'l savatteva per 'na via
Per mettr a post un peder ad famia,
Una giorneda dolza 'd primavera
A l'improvis al sé catté per tera.
Al so gran cor, al cor dal pover fré,
Cme 'n arloj vecc e frust al s' é fermé.
J l' han tot su, ste peder benedet,
Cme s' tos su un sach con denter cuatr'ossett.
Davanti a la so tomba in procesión
A g' he passé i pramsan a von a von,
A g' he passé ogni clasa 'd citaden
E tutti i g' han porté fior e lumen
Quant vot e quant preghieri e quant roseri!
La tomba l' é dventeda cme 'n alteri.
Padre Lino l' é mort, l' é mort in quant
Al Sgnor al al s' a vru der al noster Sant.


...
Page: 1
 

Help

  • Select one or more words an get availables translation in Logos Dictionary.
  • Set the number of words for each page an refresh the content.
  • Go to begin of the document
  • Go to previous page
  • Go to next page
  • Go to the end of document
  • Libri.it

    ICOSACHI E CAPPUCCETTO GIALLO CON LE STRISCE CATARIFRANGENTILA GRANDE FAME DEI SETTE ORSI NANI – LE MIRABOLANTI AVVENTURE DEI SETTE ORSI NANIGLI INSETTI vol. 2POLLICINO
  • Libri.it
  • Treccani