Gisella Azzi
El finestroeu
****************
Sto vicol inscì scur
par che 'l se storgia
per scappà di mur
de sti cà vecc. L'è inutil;
hinn tucc istess, i cà:
pien de crepp e de smagg,
de muffa, de pocondria,
de voeuja de crodà.
El par minga, e l'è magg.
Odor de ros? No, spuzza
de ruff, de pagn bagnaa,
de pess andaa del maa.
Odor de poera gent,
color de poera gent:
finna i gatt hinn pelaa
e i fioeu paren malaa.
Ma in alt, on finestroeu
l'è viscor, el par matt:
in la pignatta bleu
gh'è on garòfol scarlatt.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
