Mèrz
Francesco Gabellini
*******
Du ch'agl'andrà a fnì stal matèine 'd mèrz
Sla prèssia dal nôvle te gran viàg?
Te prèim umòr dl'instèda
ènca nòun ad pasàg t'un purgatorie,
i cunfèin sgnéd de vol d'un sghérz.
L'amandle l'à già pèrs e' vel da spósa
prim'ancora ch'e' cmènza la fèsta.
E' circa e' zôl l'utme garnèl 'd tempèsta
un fioch 'd niva smarìda
che par paura ad sfès u n s pósa.
Ad tótt e' pò sucéd at ste cér!
Che dôpmizdé e' cmènza cl'instèda
imbrièga, ch'la fnès t'una nutèda ad gél,
lasànd snà ti ôcc di vècc l'insôgne de mèr.
Ti scan 'd luce tônda i lampiòun già
a vidémm farfàle cghìde bat e' mus ti bicìr,
csmènte de dè e dla nòta, de dmèn e dl'ir.
Al guardàm da drì al sive dal nost fnèstre
e a sèmm nòun.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
