Frate Giacomìn da Verona
De Babilonia civitate infernali
ooo000ooo
23.
Mai no se gà visto in nisùn tenpo,
liògo né altra ròba tanto spusolénte,
che da mile mièri e pasa da distante se sente
la spùsa e 'l fetór che da drénto chél pçso vién fora.
24.
Asè ghe xé là xó bìse, ligaóri, rospi e serpénti
vipere e baxilischi e dragóni morsegànti,
dei cuàli pì che i raxòi i taja la léngua e i denti,
e par tuto el tenpo i maña e senpre i xé afamài.
25.
Là ghe xé i demòni coi gran bastóni,
che ghe spaca i òsi, le spale e i galóni;
i cuàli i xé sento e pì volte neri del carbón,
se no i dixe buxìe i deti dei santi sermoni.
26.
Tanto la gà orìbile volto chéla crudèl conpañìa,
che se gà pì caro par vali e par monti
de sèr batùi co' scoe de spini da Roma fin in Spaña
pitòsto che catàrghene uno solo 'te la canpàña.
27.
parché cuéli i buta a tute le ore de sera e 'l domàn
fora par la bóca orìbile fogo diabòlico;
la testa lori i gà cornùa e pelóxe le xé le man,
e i sìga cofà lovi e i sbàja cofà cani.
28.
Ma 'pena che 'l òmo el xé là e lori i lo gà in cura,
i lo mete int'un'acua che la xé cusì fréda
che un dì ghe par un ano, cofà dìxe la Scritùra,
prima che i lo méta int'un liògo de calùra.
29.
E cuando che 'l xé al caldo, al frédo el vorìa èsar,
tanto el ghe par duro, fièro, difìsile e tormentóxo;
e perciò no 'l xé mai lìbaro par nisùn tenpo dèso,
da pianto e da sventùra e po' da gran ...
|
|
|
|
|
|