Giovanni Barrella
Barbon
************
Sont vun di cent barbon, che chì a Milan,
ormai hinn diventaa on'istituzion.
Commerci in cicch e in bagol de toscan
che peschi per i strad cont el baston,
mangi in di fraa, per lett gh'hoo ona banchetta
e per compagna e amisa, la bolletta.
Come?...S'el dis...Se mì gh'hoo nò vergogna?...
Nanca on ciccin!...Mì nò, mi stoo benon.
Vivi con nient, gh'hoo quell che me bisogna,
paghi nò i tass, gh'hoo minga de padron,
son liber e beato 'me on usell,
s'el voeur de pù?...S'el voeur de pussee bell?
Cert che quand s'eri on scior...allora sì,
allora me sarissi vergognaa,
se avess pensaa de andà a finì così.
Ma, adess, che sont on pover strapelaa
s'el voeur che gh'abbia mai de vergognamm,
se cerchi de scampà senza mazzamm?
Mia miee, nò...lee...mia miee...lee...poverinna...
Lee ghe l'ha 'vuu el coragg de velenass...
e l'hoo trovada morta ona matinna
che s'era andaa in d'on post a presentass,
che me ciappassen come fattorin,
perché s'erom restaa senza on quattrin.
Sì, s'era on scior!...On figlio di papà!...
Avevi ereditaa fior de danee,
titoj, cartej, azion...on pee de cà
e, senza 'vegh in man nissun mestee,
fasend nagotta de straordinari,
mì s'era on scior...mì s'era on milionari.
Gh'avevi la passion di liber bej...
fasevi la raccolta di bollitt...
cercava de spend ben i mè quatter ghej,
scoeudendom tutti i voeuj, tutt i petitt,
finchè, on bell dì, me sont innamoraa
e poeu, naturalment, me son sposaa.
Me son sposaa d'amor, cont ona tosa
che m'ha portaa el so coeur in del scossaa.
'Na tosa bonna, bella, pontigliosa,
cont on ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
