Giovanni Barrella
La "lauda" del panatton
***********************
Oh, bongiorno!...Leverissi...
Hinn content che son rivaa?
(Vaa che bestia?... mì i stremissi...)
Sì, son mì quell che ha parlaa!...
Mì!...chì' dent al scatolon...
Son mì, sciori!...El panatton!
Cià...sù...sveglia...descartémm,
che 'n poss pù de vess saraa...
Su...fémm festa...saludémm
Domandémm come ho viaggiaa!...
ma sì...cert...l'è educazion,
se saluda el panatton!
Panatton l'è quell amis,
che, s'el riva in d'ona cà,
se anca el riva a l'improvvis,
al va accolt come on pascià!
Perché lù l'è bell, l'è bon,
perché lù l'è 'l panatton!
Lù l'è 'l re de l'alegria,
lù l'è 'l dolz de circostanza,
l'è on bombon de compagnia
che ten viscor l'adunanza:
sempr'alegher, mai passion
in doa riva on panatton!
Senza mì, non gh'è Natal...
mi troo insemma la famiglia!
Quanti guai e quanti mal,
col suggell d'ona bottiglia,
l'ha giustaa in del moment bon,
on fettin de panatton!
Perchè mì son ben levaa...
Sott 'sta scorza on poo ruspanna,
color tonega de fraa,
mì gh'hoo l'anima ambrosianna
che de foeura l'è a la bonna,
ma de dent l'è panattonna!
Pari sgnuzz...e son legger...
i mè ughett, foeura hinn brusaa,
ma de dent hinn on butter
e indolsissen, col cedraa
ch'el profuma de limon
tutt el moll del panatton!
Son de pasta prelibada,
la mia crosta l'è on portent,
se anca l'è on ciccin brusada,
la dà nò fastidi ai dent!
Tutt de god...ven finna bon
i fregui del panatton!
E adess basta...hoo ditt assee!
'dess ch'emm faa la conoscenza,
tirémm foeura del palpee
che ve foo la riverenza,
Eccom...chì...in esposizion,
Sott...chi ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
