Carlo Porta
I paroll d'on lenguagg, car sur Gorell
(1812)
I paroll d'on lenguagg, car sur Gorell,
Hin ona tavolozza de color,
Che ponn fa el quader brutt e el ponn fa bell,
Segond la maestria del pittor.
Senza idej, senza on cervell
Che regola i paroll in del descor,
Tutt i lenguagg del mond hin come quell
Che parla on so umilissem servidor.
E sti idej, sto bon gust, già el savarà
Che no hin privativa di paês,
Ma di coo che gh'han flemma de studià :
Tant l'è vera, che, in bocca de usciuria,
El bellissem lenguagg di Sienês,
L'è el lenguagg pu cojon che mai ghe sia.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
