Carlo Porta
Prometti e giuri col Vangeli in man
(1819)
Prometti e giuri col Vangeli in man,
Prima de tutt de amà chi m'ha creaa,
E, subet dopo, sto mè car Milan
Che impesa chì anch quij ch'en parlen maa.
Giuri vess grato a chi me dà el mè pan.
De no fa mai né lit né sigurtaa;
De lassà raggià i asen, bajà i can,
De tirà sempre drizz per la mia straa.
Giuri de scriv di vers fin che me par,
De dì el mè sentiment dove el me occor
Con tutta libertaa, redond e ciar:
E se manchi a sti coss, per mè castigh,
Me contenti perfin del disonor
D'on encomi stampaa sul Cattabrigh.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
