Gigiàtt al cinematògrof
Un dé, Gigiàtt, pén ed malincunî,
pensé d andèr al cínnema a svaghères.
Fât al bigliàtt pr andèr in galerî,
só par äl schèl Gigiàtt al taché a avières.
Dåpp pôc, al turné zå dala casîra
dmandandi gentilmänt un ètr ingrès.
Lî la i guardé un puctén, pinsànd: -Stasîra
ai tåcca ai mât. Al pió l é fèri chès.
Dåpp du minûd, però, la s ciapé pòra
a vàdder turnèr zå pr äl schèl Gigiàtt
ch'l andé in bisâca e sóbbt al tiré fòra
i góbbi par cunprèr un têrz bigliàtt.
Lî, fands curâg' e vlandi dèr na man,
la i gé: - Zuvnòt, ch'al scûsa, arê un'idéa,
se in galarî ló an s trôva brîsa bän,
al pôl méttres, a grètis, in platéa.
- Mé am piès la galarî, sèla? Però
csa craddla, la mî sgnåura, che mé a sguâza
a spanndr i sôld, pó cum arîv là só...
ón l um ciâpa al bigliàtt e pó al le strâza?!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
