Title: L'ORU....MIO

Author:CIARDULLO (DE MARCO MICHELE)
Subject:POETRY
Source:
Download book:
Words Statistic:words statics
 

Number of words for page:
CIARDULLO (MICHELE DE MARCO) L'ORU....MIO

Caru Peppinu mio, la cartellina
chi m'ha mannatu, l'haiu ricevuta!...
Mi l'hau purtata propriu stamatina...
Bella, Peppinu mio, bonavenuta!...

Io chi guardu la posta sc-cantatizzu,
pecchi' cce truovu sempre nna bussata,
haiu lettu tri vote lu nderizzu
tantu paria nna cosa scumbinata!...

Mbece era veru... Penza mo cchi facce
curiusa haiu fattu!... Oh, si vidie...
Io alle scarpe nun tiegnu mancu tacce,
e tu cerchi oru e te rivuorgi a mie...

Chi vo essere santu e benedittu!...
Chi vo essere principe e fatatu!...
Macari Dio, Peppi', ca ppe derittu
tinne dera nnu mulu carricatu...

Tulu sai bendica cchi furure,
cchi bona vulunta', tte benerica!...
Ma io nun nne canusciu lu culure,
o miegliu sacciu ca cussi' e' la spica!...

Cummani l'arma? Ti la dugnu tutta,
ma ppe lu riestu para nnu distinu:
si tu pigli e me vuoti capusutta,
mancu cada nnu sordu papalinu!...

Ca tu li circhi a mie su chiacchiarelle,
e lu sapiti e nu nce vuolu scuse!...
Bussa, bussati a certe cascitelle,
chi fau parole, e riestu sempre chiuse...

A certe cascitelle nove aggiunte,
chi mo su chine propriu nzippellate...
Chille ti l'hau de dare a junte a junte
senza sgrizzare, franche, sbriscerate...

De quannu u munnu e' munnu, santu Dio,
sucu de petra nun inchiu rugagnu...
Quannu si piombu, fratisciellu mio,
n'aie voglia ca bussa lu cumpagnu...

E chiudu, e circu scusa...
Tu lu sai ca signu nterra e nun m'aiuta nullu!...
Vulisse viersi?... Tinne dugnu e assai...
ma nun le vo' la banca!... Addio:

Ciardullu


...
Page: 1
 

Help

  • Select one or more words an get availables translation in Logos Dictionary.
  • Set the number of words for each page an refresh the content.
  • Go to begin of the document
  • Go to previous page
  • Go to next page
  • Go to the end of document
  • Libri.it

    TILÙ BLU NON VUOLE ANDARE A LETTOSCHIAPPETTA ADORA GIOCAREN. 224 CHRISTIAN KEREZ (2015-2024) MONOGRAFIATILÙ BLU SI PREPARA AL NATALE
  • Libri.it
  • Treccani