Title: NTIEMPU DE L'UVA

Author:CIARDULLO (DE MARCO MICHELE)
Subject:POETRY
Source:
Download book:
Words Statistic:words statics
 

Number of words for page:
CIARDULLO (Michele De Marco)
NTIEMPU DE L'UVA

Haiu truvatu a Mara Catarina
curcata ntra la vigna a nna cuntrura;
sutta nna vita d'uva matrucina,
bentrugliatella, pracira e sicura...

L'haiu tuccata ccu nna paglicella
arrieti de nna ricchia. Illa e' sc-cantata;
pue m'ha guardatu tutta assonnatella,
ha cuotu nn'uvicella e mi l'ha data...

Cumu sapia chill'uva matrucina
chi m'ha proiuto Mara Catarina!...

E m'ha trovatu Mara Catarina,
squazatu, allu parmientu, chi zampava;
s'e' appaggiata a llu muru de la tina,
ccu nna manu alla faccia e me guardava...

E me guardava ccu chill'occhiccielli,
chiusi e nun chiusi e me paria nnu juri...
Supra la frunte avia due cerritielli
scappati fore de lu maccature...

Chin'ha zampatu cchiu' chilla matina
chi m'ha trovatu Maria Catarina?

Puru si nne truvamu ntra nna festa,
vire cchi cosa, mancu nne guardamu!...
Tu vasci l'uocchi ed io vasciu la testa...
Chissu e' lu veru signiu ca nn'amamu...
L'amiche tue chi saru tutte quante,
iettanu botte, iettanu petrate!...
Nue nille ricoglimu tutte quante,
cussi' passamu le sante jurnate...
Quannu, quannu se ncrocca sta cantina,
chi m'ha ligatu a Mara Catarina?!...


...
Page: 1
 

Help

  • Select one or more words an get availables translation in Logos Dictionary.
  • Set the number of words for each page an refresh the content.
  • Go to begin of the document
  • Go to previous page
  • Go to next page
  • Go to the end of document
  • Libri.it

    LE STREGHE DI VIA DELLE TEMPESTEAMICHE PER LA VITA - Nuova edizioneBIANCO E NEROTILÙ BLU SI PREPARA AL NATALE
  • Libri.it
  • Treccani