Ada Lauzi
L'ultimo sògn
*************
«Mama son chì!» des ghei de sottanin
che sfarfalla legger sora i gambett,
on salt, 'na rampegada su quell lett
e voeuna e l'altra lì strengiuu vesin...
«Mama son chì...» manitt faa de bombas
tocchen la faccia scarna dal patì,
ma el coeur l'è fort, el voeur spettà a morì...
domà on moment, col sò bambin, in pas...
...e tutt diventa scur, l'aria l'è grev...
la front de giazz e smorta come on strasc...
la popòla la dorma in di sò brasc
quietta e menudra come on fiocch de nev...
Dormen insèma, man in de la man...
voeuna sopida ormai nel sogn eterno,
l'altra per dessedass in de l'inferno
che l'è la solitudin de doman...
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
