EL FOGOLARO
Sul vecio cavedon del fogolaro
brusa e sccioca le zoche stagionà;
visccia de fora el vento de genaro,
drento ride la paze e la bontà.
Cucià s'un caregon, come te un gnaro,
ciucia i noni el vinelo torcolà,
e la nevoda, rosa de rosaro,
se strenze adosso a Nino, imborezzà.
I noni ogni qual tanto i stizza el fogo;
anca i morosi ghe dà qualche paca;
po' el caldo, el vin, l'amor i fa 'l so' sfogo;
ghe casca, ai noni, in sen la testa straca,
el core dei morosi taca el zogo...:
se stua do stizzi e st'altri do i s'intaca.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
