IN MONTAGNA
Gambe de azàle e cor che no' s'incanta,
amizi svelti e libera alegrìa,
qua su in montagna le passion se sfanta
tra i voli de la vera poesia.
Quà tuto tase e tuto quanto canta:
el filo d'erba, el zielo, el sol, la prìa,
e siben la fadiga la xe tanta
più in alto che se va più se andarìa...
Ghe xeli i scciavi? Qua se xe paroni!
Ghe xelo el male? Lu no' 'l vien quà su
dove che se converte anca i briconi.
La montagna la insegna la virtù
perchè quà in zima se se fa più boni,
perchè quà in alto no' se odia più...
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
