Luigi Medici
El librett di mes
*****************
In Gennar hoo faa sù on poo de fassina;
in Febbrar l'hoo brusada sul camin;
in Marz hoo bollettaa quatter sgneppin
e in April hoo miss giò l'insalatina.
In Magg hoo rangiaa sù la roccolina;
in Giugn hoo imbottegliaa dò brent de vin;
in Luii hoo schisciaa giò el primm visorin,
e in Agost me sont miss, biott, in la tina.
In Settember me sont pientaa in la vigna;
in Ottober hoo faa festa a Concesa;
in November hoo miss la foeuia in pigna.
In Desember hoo faa Natal in gesa,
e adess, che sari sù el mè taccoin,
me senti on cópp de pù sora al coppin.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
