Luigi Medici
Marz
**************
Se passand cont el coeur gris de scighera
in d'on bell giardinon tutt pien de fior.
senza cattai se god el bon odor
che la gh'ha boffaa su la primavera,
in fond al coeur, sul piatt de la stadera
di nost scapusc sto peccadell de amor,
sto sfris d'on robalissi el nost Signor
le pesa cont el pes d'ona...lughera.
L'è no lader el coeur senza speranza,
ch'el se limita a god ona..."fragranza".
Cossa la var, in marz, la violetta
profumada, che cress dent in l'erbetta,
sconduda in l'ombra d'ona riva fresca
in d'on parch d'ona villa principesca?.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
