Luigi Medici
Nott d'eclissi in del Ciovass
******************************
Nocc fosca. Tra el Ciovass e 'l Ciovassin
sott a on lampion, ch'el donda cont el vent,
gh'è on tabarèll che gira insognorent
sù e giò denanz all'osteria del pin.
E al vent che tira el se nascond la faccia.
L'è el Donizet..."Chissà come l'è andacia!"...
Dann a La Scala la Lucrezia Borgia
e in ciel "l'ecliss de luna". Ecoo el Ricordi.
E issél?! "El fiasch pussée crepp che me regordi"
(ma in Ciovass no gh'è gatt che se ne incorgia...)
-"Poer Donizett!...Ecliss anca per LU!..."(E in del tabar e se infagotta sù...)...
Dal Melon riva l'ost (el Bettinell)
ch'el brascia sù 'l sò pover Gaitan.
-"Ah poer Donizett!..."- (e slisen pian
tucc duu in l'us'cett; e tiren dree el portell.)
-"racc, minga dorc a chi capess negott!."Finiss l'ecliss e se s'ciariss la nott.
E la luna, dal ciel, in l'aria fresca,
la torna a guardà giò sora al Ciovass.
La disegna ona gronda sora i sass;
la s'ciariss, la pittura, la rabesca...
Mo passa vun che canta...Citto sent...
"non pensiamo all'incerto domani
se quest'oggi n'è dato goder"
l'è la Lucrezia!...L'ha robada el vent!..."
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
