A luna
Autore: Achille Serrao
Cu 'a capa aizata
pecché hanno 'a essere liéggie
'e penziére, aret'ê ccose che na vota
nce secutavano... accussì accumencia 'a jurnata
janca na petaccèlla 'e bannèra
'o scennere e 'o ssaglì n'addore d'acqua
venuto 'a chissaddò. Partèttemo pecchésto
aret'ê ccose cu nu traìno sbalestrato
cantanno a vocca 'nchiusa comm'a ddinto
ê ccanzone ca schiattano 'ncuorpo
pàtemo 'nnante e ll'ate 'e nuje arreto
smiccianno 'a strata e chiù ddoppo
'a chieia d''o sole 'o scuorno
d''o sole e 'o pedecìno
addò nu muschiglione sesca 'a nonna
'e nisciuno... Tanno dicette pàtemo Arrevammo
'nni lla e mmustaje 'a luna.
La luna
A testa alta / perché siano leggeri / i pensieri, dietro le cose che una volta / ci venivano dietro... / così inizia il giorno / bianco un brandello di bandiera / lo scendere e il salire un odore di pioggia / giunto da chissà dove. Partimmo per questo / dietro le cose con un carretto zoppo / cantando a bocca chiusa come nelle / canzoni che gonfiano di malinconia / mio padre avanti e noialtri dietro / sbiarciando la strada e più oltre / la curva del sole il rossore / del sole e lo stelo / dove un moscone ronza la ninna nanna / di nessuno... Fu allora che mio padre disse Arriviamo / fin là e indicò la luna.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
