Chiantàjeno - fernute 'e suonne
Autore: Achille Serrao
Chiantàjeno - fernute 'e suonne...
chiàntano ciéuze 'nnante 'a casa mia e nun se vede chiù
'a campagna - vaco crescenno figlie, ancora...
'nnant'â casa mia se vedeva 'a campagna
spasa nfì ê fuosse
'e nu munno ca se lagna
addò se parla na parlata doce
musso musso maje 'ncanna e cresènza nun só
pe' ll'uocchie 'e figlie... Adda fernì
'o suonno...
chiàntano ciéuze e chesta è 'a casa mia
cu llibbre uno 'ntrìdece sul'isso
('o masto d''e penziére?)
e fuoglie ammuntunate 'a sotto 'a coppa, 'e suore...
mo' nce tràfechia attuorno na mascella, è chesta 'a casa mia
(friddo fòra, n'acquazzìna 'nfame)
e nce saglie ogne ttanto 'a miez'â via
na voce furastèra
ma dellecata comme ll'aria 'int'ê scelle
'e chi pe' malasciorta nun vola...
Po' s'annasconne areto a na lummèra
'a muscella e justo justo se cunfonne,
che sta saglienno, 'a voce 'o libbro 'ntrìdece e 'a campagna
nun se vede 'a campagna ca se vedeva... Adda fernì
'o suonno...
Piantarono - finiti sogni...
Piantarono - finiti sogni..../ piantano gelsi davanti casa mia e non si vede più / la campagna - sto crescendo figli, ancora... / davanti casa mia si vedeva la campagna / a distesa fino ai fossi / di un mondo che si lagna / dove si parla una parlata dolce / a filo di labbra mai in gola e non crescono / per gli occhi i figli... Deve finire / il sogno... / piantano gelsi e questa è la mia casa / con libri uno in vista solo lui / (guida dei miei pensieri?) e fogli ammonticchiati sotto, sopra, di sudore... / e attorno vi rovista una gatta, questa è la mia casa / (fuori freddo, un'acquerugiola inclemente) / e ci sale ogni tanto dalla strada / una voce straniera / ma leggera, come l'aria sulle spalle / ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
