Elicura Chihuailaf
*****************
FEMGECHI XEKALEY ÑI ÜLKANTUN FAW
(DE SUEÑOS AZULES Y CONXASUEÑOS)
*****************
TAMI PEWMA MU KAJFÜ CHAW
feyti chi choyüchi ulmo ina
kajfüwigkul
feyti füxa Wenu Lewfü mew
akuy, Kajfü Chaw, tami ayin
kochü zugu
Wikeñi, ülkantukey ñi piwke
müpülen rupakey
genokintukey wejilechi ge
pukem mu
Ülkantun ka wikeñün iñche kay
kiñe üñüm püralelu wenu
Ayiwün chi Aliwen mu
Fey feypin ayiwkülen konün
Tañi püjü pewmantumekey
tami Pewü ruka.
Tami Pewma mu Kajfü Chaw
Chumpeymi am, anületuymi
mi Mapu mew
weñagküleweymi, weupikawetulaymi
Nüxamkayaimi, weupiaymi may
Müna weñagkün gewey tami felen
Re Mapu ta anüleweymi
weupi pefuyüm tami
pu Füchakecheyem
Xanalewey mi Mapu em
Chem piwe laymi rume
Wixa püra tuge weupiuaymi
mi Mapu mew
weñagkülmi rume ta weupiaymi
mi pu Kuyfikeche reke femtuaymi
chume chi ñi zugu kefel egün
(pipiyeenew ta fücha Julian Weyxa).
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
