Elicura Chihuailaf
*****************
FEMGECHI XEKALEY ÑI ÜLKANTUN FAW
(DE SUEÑOS AZULES Y CONXASUEÑOS)
*****************
KIZULELU TI WARIA WEZAPEWMAMU KECHILEY
Fixun mu pefiñ ñi amutun ñochi
zugun wariarüpü
günezwam falkülekelay
ti xukürelüwün mu
Welu xipa wezapewma xüri
ti waria
ka zoy gelay tüfachi pu liwen
tami goyman afetew tami zugun
fey ñi elzugu ñi rakizwam
tukulpakey mu
feyti elzugufe chukaw üñüm
pipeetew ñi wiñotual
Chuman am?, piwün
re fiskeñ ga eymi
pen lan chi müpün?
Mi fenfalüwün rayen ayikan
rakizwamelenew ta tügkülechi
antü mew
Ayün, ayün, pilerpun
ayün, Ayün, müley tami
kimneñmaetew tami
wixunko?
Ininorume, chem rume gelay
tüfachi Mapu mu
eluatew ta feyentun
Kaykay filu ta fülümenew
ta antü mu
Rume pichiy ta mogen?, pifiñ
Petu konpuy ñi püjü
ti lüg zeqüñ mew
welu, ay Genechen, feytachi
füre Pewma mew
ñi piwke zoy ümi kompualu
pu xomü mew.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
