Elicura Chihuailaf
*****************
FEMGECHI XEKALEY ÑI ÜLKANTUN FAW
(DE SUEÑOS AZULES Y CONXASUEÑOS)
*****************
ÑI KISU ZWAM PÜJÜ PEWELAAYU PIENEW
Mogen ta pichiy, pigen. Pütokoyu
ka yiafiyu ti Mapulkülechi
fünkun aliwen
fey wüla puruayu, wiñotuluam
iñchiw
üñüm reke müna yewmewiyu
Feypin, petu ñi amunon, ünatuan
kiñe zomo ñi piwke
(ñi pu Kuyfikecheyem reke
ñi femün)
ka wajkepüle miyawülan tañi az
tapül ka rayen egu munulneafiñ
Pürow pe piafin ta filu
tañi zuguatew wigkul
ñi Pewma egün
Feyti Nag Mapu mu
püraley ta pu weraw
Fey amuan, müleay chi am
ñi küme tukulpaageam Iñche?
Ajkütun ñi pu lawen
ñi güman tami amun mew
ka ñi kisu lewechi püjü, tunten
muno amutuan pialu
ñam naqünlu lafken mapu mew.
...
|
|
|
|
|
|