Alessandro Guasoni
Testa de maggio - I
****************
Sordatto do Segnô, che à streuppe, arrëo
t'ae visto moî i nemixi, sotta o maggio
de feugo, ch'o cantava
comme o tron inte sale de crestallo
do çê de mez'agosto,
(ma o l'ëa un Dê di antighi ch'o criava,
o Dê ch'o no perdonn-a,
o Re da guaera ch'o cavarca e nuvie)
ti, che t'ae camminòu in mezo a-o sangue
fin a-e zenogge, a-o Templio,
e intanto cöi de àngei
te çelebràvan defensô da fê,
ammïa i mòrti inte 'n muggio sensa nomme,
pe sempre ätri e lontaen;
(sovia töre de màrmao
t'ammïan co-i euggi ciaei
che insemme te condann-an e te lìberan)
no çercâ de comprende i seu scilensi,
maniman ti sentiae sta teu armadùa
insciâse d'ombra e bruzzi de scciummaee,
finchè co'un creppo, no piggian o xeuo
i sciammi de sinsäe mescciae à gämisto
che ancon òua inta testa ne mogógnan.
Traduzione in italiano:
Testa di maglio - I
[si allude a Guglielmo Embriaco, detto Testa di Maglio (1070-?), il condottiero che guidò i genovesi alla Prima Crociata, inventore di torri mobili che furono decisive nella presa di Gerusalemme]
Soldato di Dio, che a schiere, indiscriminatamente,
vedesti morire i nemici, sotto il maglio
di fuoco, che cantava
come il tuono nelle sale di cristallo
del cielo di mezz'agosto,
(ma era un Dio degli antichi che gridava,
il Dio che non perdona
il re della guerra che cavalca le nubi)
tu, che hai camminato in mezzo al sangue
che arrivava alle ginocchia, al Tempio
e intanto cori d'angeli
ti celebravano difensore della fede,
guarda i morti in un mucchio senza nome,
per sempre altri e lontani;
(sopra torri di marmo
ti guardano con gli occhi ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
