Alessandro Guasoni
Testa de maggio - II
*******************
O fî da spâ ch'o refletteiva a braxa
de stelle affoae, ch'an o teu nomme scrïto
in çimma a-i vòrti da çittae de nuvie
con aerchi de violin sovia o tramonto,
ardïe stelle semensa d'oragaen,
sempre ciù aerte inta canson d'äsâ!
O l'ëa faeto d'amô o taggio da spâ:
solo pe fedeltae à l'amô ciù grande
o doveiva sguarâ ògni compascion
insemme a-a carne di nemixi, ch'aivan
a faccia do teu Cristo, ch'ëan zà mòrti
insemme à ti inte 'n solo abbrasso, donde
o mâ co-o çê pe sempre o se confonde.
Nisciun te perdonià sta teu caitae:
ëse ti stesso, in mëzo a-a mòrte e a-o sangue,
pe amô de l'infinïo che in cheu ti alleiti,
che a-i còrpi o cangia forma e in ondae o sciorbe
e cäe, i coî, e moaen, pe restituîli
a-e cianùe scilensiose de gianchixe,
primme compagne do respïo di òmmi.
Traduzione in italiano:
Testa di maglio - II -
Il filo della spada che rifletteva la brace
delle stelle infuocate che hanno scritto il tuo nome
sulle volte della città delle nubi
con archi di violini sul tramonto
ardite stelle semenza di uragani,
sempre più alte nelle canzone d'acciaio!
essere te stesso, in mezzo alla morte e al sangue,
per amore dell'infinito che nutri in cuore,
che ai corpi cambia forma e assorbe a ondate
visi, colori, mani, per restituirli
alle pianure silenziose di biancore,
prime compagne del respiro degli uomini.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
