Alessandro Guasoni
POESIE III
*************
INDICE:
- A veia
- I frae Vivädi - I
- Lamma de cotello
- L'ìsoa do retorno
- Mai ciù...
****************
A veia
Oëgia ch'a arve into çeleste, a veia
a sta à sentî i descorsci che no femmo,
e sole pòule vëe che òua ghe poemmo
confiâ, 'nna luxe asmòrta de candeia.
Semmo vëi solo quande çe n'anemmo,
comme quell'òmmo ch'o va via inta seia,
donde cianin do sô se desfa a teia,
e o ne gïa e spalle, e o seu cammin no o semmo.
A mùxica da lunn-a quand'a scenta
de derrê o monte e drento o gòtto e o treno
ch'o saera e pòrte e ancon o no camminn-a:
là donde gh'è unna farta, un segno meno,
là o sciòu e i euggi de'nna nuvia lenta
e o cô de'n çê che à l'arba o s'avvexinn-a.
traduzione in italiano:
La vela
Orecchio che s'apre nel celeste, la vela
sta a sentire i discorsi che non facciamo,
le sole parole vere che ora le possiamo
confidare, una luce spenta di candela.
Siamo veri solo quando ce n'andiamo,
come quell'uomo che si allontana nella sera,
dove si disfà lentamente la tela del sole,
e ci volta le spalle e non conosciamo la sua strada.
La musica della luna quando sparisce
dietro il monte e dentro il bicchiere e il treno
che chiude le porte e ancora non cammina:
là dove c'è una mancanza, un segno meno,
là il fiato e gli occhi di una nube lenta
e il colore di un cielo che si avvicina all'alba.
*************
I frae Vivädi - I
*******************
O seunno omai scassòu, o seunno perdùo...
ninte n'arresta in man sarvo da scciumma
faeta de sô, e l'...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
